دعوة للمشاركة وعرض الخبرات

موضوع: دعوة للمشاركة وعرض الخبرات 11/9/2011, 09:28

مرحبا أحبابي الغاليين
اليوم خطر ببالي فكرة وحبيت تشاركوني فيها
و لو أي حدا عنده أي فكرة صغيرة أو كبيرة عن هالموضوع بتمنى من كل قلبي انه يشاركنا ويفيد الجميع بخبراته
الفكرة هي تعليم الرسم اليدوي
كتير أشخاص يعشقون الرسم وعندهم موهبة لكن تنقصهم شوي خبرة وتعليم رؤوس أقلام عن مبادئ الرسم اليدوي
طبعاً الرسم بكل أنواعه
رسم زيتي .. رسم مائي .. رسم بقلم رصاص مع طريقة التظليل
رسم عالزجاج ... رسم عالأقمشة
-----------------
يعني باختصار حابة يكون الموضوع شاااامل عن كل فنون الرسم بكل أنواعه

بانتظار مشاركاتكم وإبداعاتكم
أتمنى الفائدة للجميع
إيـمــــــــان

فكرة حلوة كتير ايمان

طبعا انا ما الي علاقة بالرسم

بس حبيت اشكرك للموضوع الحلو

بإنتظار فنانينا

تسلمي يا بشرى
يكفي نورك وتواجدك معنا حبيبة قلبي
---------------
أتمنى مشاركة الاعضاء يلي الهم خبرة في مجال الرسم
حتى لو كانت خبرة ضئيلة

طيب خلونا بالأول نحكي شوي عن أنواع الرسم

تعددت أنواع الرسم واستخدامه لدرجة أنه لا يمكن حصره في أنواع معينة محدودة :
سنلقي الضوء على تلك الأنواع بصورة سريعه

الرسم التـــشكيلي
الرسم التجريدي
الرسم التخطيطي
الرسم التنقيطي
الرسم الزخرفي
الرسم التوضيحي
الرسم القصصي
الرسم الهندسي
الرسم الصناعي

وانطلاقا" من هذه الأنواع الأساسية تفرعت أنواع عديده للرسم عبر بها الكثيرون عن حسهم وتذوقهم للفن وتعددت أستخداماتهم للرسم
فاستخدموا الرسم في تزيين كل من :
جدران المنازل
الزجاج , والسيراميك
الأقمشة ( كالرسم على الحرير )

وغيرها الكثير الكثير مما لايمكن حصره كما ذكرت

لنتكلم قليلاً عن الرسم التجريدي ونشرح ما هو هذا النوع من الرسم

الرسم التجريدي

الرسم التجريدي

يطلق عليه عدة مسميات

- الرسم الحر: ( لأنه حر فلا تحكمه قواعد فنية محددة فهو خليط من عامة الفنون )

- الرسم التعبيري : ( فالجميع يطلق العنان بأدواته في ترجمة ما بداخله إلى لوحة )

- الرسم الصامت : ( نتاجه أعمال فنية صماء صامتة ذات معنى صارخ )

- خطاب الخيال : ( فهو فضاء واسع للخيال الخصب للأجيال الجديدة والمتمردة على كل قديم )

شكرا إيمان على هالموضوع الرائع
لكن للأسف انا مالي علاقة بالرسم

طيب امون هاد رسم تجريدي
بس شو معنى هالصورة؟؟؟

انا الرسم التجريدي ما بفهمه

حبيبتي بشورة انا نزلت الصورة كمثال بس عن الفن التجريدي
اذا بتسألي عن معنى هالصورة بالذات ما الك غير
هانز ارب – فرانز مارك – ديسبرج - روبرت ديلونيكازيمير مالفتيش – الاريونوف
– فرنان ليجيه – الفريد – جاكسون بولوك – كوبكاماتيس- براك – بيكاسو
هدول بيفهموا على بعض .. هههههههههههههه
حبيبة قلبي هو انا صح بحب الرسم بس بعمري وحياتي وزماني ما فهمت لا الفن التجريدي ولا الفن التشكيلي
يمكن في بعض الأحيان تستهويني الألوان أو الأشكال بتكون مرسومة فيها بطريقة غريبة
بس قصة أفهم شو بتعني أو شو قاصد فيها الرسام يلي رسمها لاااا
لهيك أنا فتحت هالموضوع وبجد بجد طالبة المساعدة
بتمنى من أي حدا عنده أي معلومة مهما كانت بسيطة وصغيرة
يا ريت يحكي عنها

معناها انا وانت طنجرة ولقت غطاها امون

طلعنا متفقين

والله يا ريت حد يفيدنا بهالموضوع

راااائع ايمان

كثييير موضوع حلو و مميز برافو عليكي يا قمر على المعلومات و على الفكره ككل
حبيت اشكرك يا حلوة
و ان شاء الله اتعلم شيء على فن الرسم و من بعدها الفوتو لاني كسوله في هالمجال
بالتوفيق للجميع
و شكرا مره اخرى امونه