ورقة الغار
مشرفة سابقة
البلد: 
الجنس: 
عدد الرسائل: 7722
العمر: 33
الأغنية المفضلة: حافية القدمين
الألبوم المفضل: حافية القدمين
الفيديو كليب المفضل: واني احبك
تاريخ التسجيل: 26/11/2008
~~ SMS ~~:
 |  موضوع: كلمات البوم لا يا صديقي ( 1990 ) كاظم الساهر 5/3/2010, 23:27 | |
|
لا يا صديقي (1990)
انتاج : ميوزك ماستر
*لايا صديقي*
كلمات عزيز الرسام
فات الأوان لا تحذر فات الأوان
ش يفيد بعد التحذير
أنا عثرت بأول حجر والعثرة عثرة بنص بير
لا تحذر فات الأوان
منهم لله الل خانوني منهم لله
منهم لله الل باعوني منهم لله
خلوا دمعي ينزل دم ولا كني بني آدم
أعز أثنين يا جرحي شايلهم وسط روحي
وجهين والعملة وحدة وثوب مقدر عليهم
الشبه نفس الشبه والغدر مزروع بيهم
يا قلبي لا تستغرب كل شيء تشوفه بالعيون
كل شيء بها لزمن جايز وكل شيء ممكن يكون
عدوك يرحم بحالك وأعز أحبابك يخون
اتصوروا حبي غباء وطيبتي العمياء طريق
فرصة الهم للخيانة مثلوا دور الصديق
اللي كانت أغلى ناسي ويا صديقي ترافقت
عيني عينك بالخيانة وبالخجل ما فكرت
يا ذنب سويته آني؟؟ و بالعكس دنياي دارت
لأن قلبي نقي وطيب هيج وياي صارت
اش راح أسوي بالصور وين أودي الذكريات
وين ألقى درب خالي ما الي بيه ذكريات؟؟
هيج يا دنيا البشر بارعة بدور الخداع
غامض وما ينحزر وبوجهه أكثر من قناع
المن أشكي يا زمن ومنو الل يسمع شكوتي
أسكت أحسن يا زمن وبيدي أعالج حالتي
موتي أرحم من غدر اللي سميته صديق
اللي جازاني بخيانة وترك بأعماقي الحريق
آني متعلم على الهم ومو جديد الهم عليه
بعد ما شافت عيوني من صديقي ومنها هيه
خلي كل شيء يصير بيه
أعز أثنين يا جرحي شايلهم وسط روحي
وجهين والعملة وحدة وثوب مقدر عليهم
الشبه نفس الشبه والغدر مزروع بيهم
يا قلبي لا تستغرب كل شيء تشوفه العيون
كل شيء بها لزمن جايز وكل شيء ممكن يكون
عدوك يرحم بحالك وأعز أحبابك يخون
تصوروني الناس أغني وأنا من الداخل مجروح
روحي مثل الطير ترفرف ش يرقص الطير المجروح
الألم.. الحزن .. العذاب .. والجروح
تظلم لو ترحم يا زمن ما عاد بأثر بيه
إذا أغلى الناس خانوا ش تعوض إنت ليه
صدقني ظلمك يا زمن أهون إلي من جروحي
ع الأقل ظلمك ينسي وما يظل يعذب روحي
ضيعتني يا صديقي وظلمتني وجرحتني
وظلمت روحك وروحي وضيعت مني الأمان
إذا أنت بيه تغدر بعد ش يسوي الغريب
صديقي وجرحي منك وأني لجروحك طبيب
روح الله الل يسامح أني ما عندي سماح
روح الملح والزاد خنته الوفاء وياك راح
أعترف آني خسرتكم وخسرت كل شيء بثواني
لكن اللي يعز عليه راح أظل وحدي أعاني
وإنت يا للي كنت بعيوني ملاك
قلت آنا عمري وعيوني فداك
صورتي الدنيا من غيري أبد ما تعيشين بيها
وقلت عنها ظلما لكن نور وجهك مضويها
وقلت بليالي الشتاء عيوني ما تاخذ نوم
أفكر بيك بردان لو دافي وشابع نوم
وكنت بالنسبة الي مثل للحب والجمال
كلمة ما كاتبها شاعر لوحة من نسج الخيال
عمري ما شكيت مرة ورى ها لطيبة خداع
هيج العيون البريئة تغدر وتنكر بساع
هاجت الريح بغضبها وكسرت بلحظة الشراع
كل شيء راح كل شيء ضاع
خوفي من خوفي ليكبر خوفي ما أفارق الدمعة
وأبقى وحدي بالليالي وما أثق بضوء الشمعة
المن أشكي المن احكي المن وحكيي بس آني الل أسمعه
هي الدنيا اش بيها حتى ترخص دمعك
المن تشكي وتبكي المن هو اللي يسمعك
انسى جرحك أنساه لا تعاود بذكراك
بالحسرة والاه ليش تخلص عمرك
كنت عايش على الأمل وكانت أحلامي جميلة
كنت أتفاءل بكل شيء والل بنيته أنهد بليله
ضايقت الدنيا بعيوني وحسيت بنفسي غريب
وقلت يا روحي كافي ما بقى للطيب نصيب
لا الدنيا ما تحلى وما تتخلى عن مجروح
ألف أيد وأيد تنمد وتداوي الألم ويروح
بس أني عثرت بأول حجر والعثرة عثرة بنص بير
ضيعت كل شيء بحياتي وسلمت لأسوء مصير
لا تحزن لا تتألم لا تندم على اللي يكون
حرام تتعب عيونك والدمعة عليك تهون
صامد بوجه الرياح شامخ بأصعب جراح
أصرخ يا ضمير
أصرخ بوجه اللي يظلم
أصرخ بوجه الل يخون
أصرخ وصحي المنافق
أصرخ وصحي المخادع
يـــا ضمـــــــيـــــر
**** **** ****
*يا رايحين لبنان*
كلمات كاظم الساهر
يا رايح لي لبنان ودي لحبيبي سلام
قولوا له من الساهر لعيونك أحلى كلام
قولوا له رغم البعد بكل لحظة هو وياي
حلمي وأنيسي صبح كل منيتي بدنياي
في الغربة والأسفار أسمع صدى صوتك
ينادني باستمرار ربيعي لا يفوتك
مشتاق أنا مشتاق .. وبصدري يا ما أشواق
قولوا له رغم البعد بكل لحظة هو وياي
حلمي وأنيسي صبح كل منيتي بدنياي
باجر أجيك أنتظر قبل المسا عندك
ولو نزلت دموعك لأمسحها من خدك
مشتاق أنا مشتاق .. وبصدري يا ما أشواق
قولوا له رغم البعد بكل لحظة هو وياي
حلمي وأنيسي صبح كل منيتي بدنياي
****
**
جميع لنكات مواضيع ( كلمات البومات كاظم الساهر ) موجودة على هذا اللنك
[ندعوك للتسجيل في المنتدى أو التعريف بنفسك لمعاينة هذا الرابط]
|
|
دردشة منتديات التجمع العالمي