الحكواتي مع ابو زيد الهلالي (9)

عدل سابقا من قبل إيمان في 2/9/2010, 21:55 عدل 2 مرات

سمااااااااااااع هوووووووس
يحكى يا سادة يا كرام ويا سامعين الكلام

زعل ذياب وضرب العبد بعقب الرمح وجهز نفسه للغزو مع
باقي الفرسان وكان ابو ما له غيره وكان كبير سن وقعد يوصي ذياب ويقول له تجنب
الزناتي والعلام وهو يوصيه سمعته ام ذياب وردت عليه بها الابيات
لا تردي ابني يا هداني مقصر ... عساك عن برد الجنان تغيب
عساك يا ابني وان تداريت عنهم ... شلفاه تخطيهم وفيك تصيب
تباعد عنا يا ذياب بن غانم ... له حربة من تدع الوليد يشيب
له حربة من ما ياقع الطل فوقها ... عشاه من دم الرجال غصيب

وصلوا باقي فرسان بني هلال للمعركه واشتبكوا مع بني قابس وكان من اشجعهم ذياب بن غانم
وكان له فعل مشهود لانه كان يقترب من قصر الزناتي ويرهب فرسانه اللي كانوا حارسين
قصره لدرجة انهم اذا شافوه كانوا يهربون منه حتى ان المساجين(يحيى
ومرعي ويونس ) يشوفونه ولا يعرفونه لانه ما هو من فرسانهم المعروفين وفعله فعل
فارس وكانوا يسالون سعدى الصفيرى عنه وهي ما تعرفه قالوا لها روحي واسالي أي واحد
من بني هلال يقول لك منهو راح ووقفت واحد من بني هلال وقالت له

وقف نبي ننشدك يا شايع النبا *** عن الخيل حتنا اليوم موم شليلها
قال
ما غير فارس الدهما ذياب بن غانم ** حامي خفاف الخيل ملحق ثقيلها
جائهم وقالت لهم انه ذياب بن غانم ما صدقوها لانهم لما راحوا لتونس ما كان لذياب
أي فعل ولا يعد من الفرسان قالوا لها روحي واسالي واحد غير اللي سالتيه الاول
راحت ووقفت واحد وقالت له

وقف نبي ننشدك يا شايع النبا ** عن الخيل جتنا بالرجال شرود

قال الهلالي

ماغير فارس الدهما ذياب بن غانم ** وترى الشوف خرز والكلام يكود

الزناتي في ها الوقت كان حاط له كلاليب على
امتداد قصره يعرفها هو ويبتعد عنها ودائما تخطف الفرسان ويعود عليه الزناتي ويقتله
حاول الزناتي انه يستطرد لذياب ( يحاول ان ذياب يطارده ) يريد يجره للكلاليب حتى
تصيب ذياب ويوقع من فرسه ويرجع عليه ويقتله وفعلا استطرد لذياب وطارده ذياب بعد
مسافه انثنا الزناتي على ذياب لانه توقع انه وقع في الكلاليب لكن تفاجا ان ذياب
وراه ما وقع وضربه ذياب بسيفه اللي كان مسميها ( سم ساعه ) وقع الزناتي وتجمعوا
عليه فرسانه وخلصوه قبل لا يموت ودخلوه قصره بين الحياة والموت وقال قصيده يشرح
فيها ما صار من بدايه قصته مع الهلاليه وهو يقول

يقـول الزناتـي والزناتـي خليـفـه ... نفـس الفتـى لا بدهـا مـن زوالهـا

حلمت ليا ناشن من الشرق مزنـه ... تمطر كمـا شـوك البلنـزا خيالهـا

مشت خميس وامطرت يوم جمعه ... وهلت علـى قومـي مقـدم فعالهـا

مطرهـا السبايـا والصبايـا وبرقهـا ... تلظا في يمانــي رجالهــا ســيوف

ياليتنـي مـا صـرت شيـخ لقابـس ... واهني نفس ما عليهـا ولا لهـا

واهني نفس ما كلت مـال مسلـم ... ولا اخلطـت مـال اليتامـا بمالـهـا

نظرت بقومي نظرة ما تسرنـي ... وجيـه العـذارى طلقوهـا رجالهـا

كبـار اللحـا لا بـارك الله باللحـي ... صغار اللحي شبـوا بقومـي فعالهـا

الا وابـلادي زينـة المـا مريـفـه ... بالنيل تنــدا جبالهــا مدعوجــة

مساس عن الرمضا دكاك عن الحصا ... والبق والبرغـوث مـا جـا بجالهـا

واشيب عينـي مـن عريـب تنزلـوا ... على مجنب البطحـا وبنـوا حلالهـا

بنـوا حـلال مـن حلالـي قريبـه ... بنـوا حـلال شـاق عينـي دلالهـا

تـرى خيلنـا تسعيـن الـف نعدهـا ... وتذكـر لنـا خيـل الهلالـي مثالهـا

ولوتجتمـع خيـل الهلالـي وخيلنـا ... ابـا زيـد يركيهـا ويركـي مثالهـا

خان الصفيـرا يـوم خانـت بابوهـا ... ولا بنـت الا فـان ابوهـا دلالـهـا

تشير بربط القـوم واطـلاق عبدهـم ... واثـر عبيـد القـوم حامـي ثقالهـا

اثـر عبيـد القـوم زيـزوم سربـه ... يجـر القنـا جـر السوانـي حبالهـا

يشل الدمي شل الدلـي يـوم تمتلـي ... لاماحهـا الزعـاب ثـم ارتكالـهـا

سيفه تعايـوا عنـه صنـاع دمشـق ... ليـا ولا جمجمـة الـراس شالـهـا

لكن عوى شامان في طـوس روسنـا ... عوا ذيبة تعوي لذيب من عوالها

وانا شاهد للعبد فـي ربـع هدتـه ... ثمانين مـن قومـي قلايـع رجالهـا

هـذا لـو ان العبـد قـد هـد مثلهـا ... علـي كـان التـرك تيتـم عيالـهـا

اثـره اميـر ولـد اميـر مـجـرب ... ليـا هـد تعطيـه السبايـا كفالـهـا

ترى ما يجي عني مثل حذفه العصـا ... واسـرع مـن دور الرحـا اشتغالهـا

ولولا بخـط الرمـل شيفـت منيتـي ... بسيـف ذيـاب قـد لابازيـد ازالهـا

هو قـدم قومـه وانـا قـدم قومـي ... وهـو فهـد القنـاص وانـا غزالهـا

حذرا من اللي كفيـت القـدر وجهـه ... لا جا جنوب الخيل صيـروا شمالهـا

اللـي قلـع حـدري ثمانيـن سابـق ... كبيشات ما في نجـد ربـي امثالهـا

واللي قلعت حدره مـن الخيـل تسـع ... والعاشره بالسيف انـا زلـت حالهـا

اليا اعقر لـه سابـق جـاه مثلاهـا ... واليا اعقر لـي سابـق جـا مثالهـا

ان امهلت دنـاي وادركـت هقوتـي ... لازيل الصفيرى عـن حيـاة تنالهـا

مهبول يا مهبول مـن يامـن النسـا ... ومن يامن الحرمـه الا اقفـت بفالهـا

ليا بغـت درب الـردا مـا يكودهـا ... تاطـاه لـو انـه حماقـا رجالـهـا

مـــاااااااااااااااااااااااااااااااااات
الزنااتــي

راح نوقف اليوم عند موت الزناتي نكمل بوكرا بإذن الله

تصبحوا على خير

مع تحيات ... الحكــواتـــي

الله يرحمه الزناتي يا حرام
قصه حلوة حبيتي
برافو الك
و ما ننحرم منك ابدا
في انتظار الحلقه الجديده

شكرا لمرورك الغالي سوسو

بجد قصة حلووة كثير و اختيارك دائما مميز
انا بستنى التكملة

اهلا شموس
شكرا لمرورك حبيبتي